20150104 九担租

九担租的紅葉

                                    」

20R小巴班次疏到一小時一班...嗚呀

幾經轉折（大埔撘20C到大尾篤再轉$50的士）才到達烏蛟騰村，再步行入九担租。

沿途經過清澈見底的小河流。

加上旁邊的樹影真係一流，令我與同行友人難以視而不見，見而不影！

行了約15分鐘後到達一片荒廢的田地，背後的林中據說有13棵楓葉樹。

去到已經有不少龍友同情侶在埸。

登登登凳，主角出埸！！！

不過因樹長得高大（或者係我本身比較矮...），

葉子都在樹身較高的地方，即使我已經裝備了15-85mm都覺得好遠呀...

而且單反堅重，影到我手軟，掂起腳尖又掂到我腳都軟。

由於當日到達時間接近日落時份，陽光斜斜地照得紅葉好通透。
一層層紅色鮮橙色咁疊埋，啊啊啊啊啊啊出血啦

影到冇野好影之際，突然發現樹的正後方有座小山行幾級就可登上。

我諗都唔諗就狗衝左上去。

視野一流！我與紅葉之間的距離大幅收窄，旁邊有綠葉映襯，

可以發揮的地方多好多。興奮呀簡直係！

多左個遠山作背景，顏色放埋一齊好夾好靚好日本呀呀呀！！（心心眼

4時多，遠遠可以見到對面林中有一大堆登山人仕向出口方向離開。

但到達的人依然絡繹不絕，大慨想趕及在日落西山前到這紅葉秘境朝聖吧。

跟大隊離開前，好奇向相反方向走了數分鐘發現了這一棵雙生樹，紅葉都在樹頂。

話咁快，日已落。

【醒水唔該】

離開時，非平日的話會好多行山人仕，記得預早到20R小巴站等車，

否則又要沿住馬路行45分鐘去新娘潭275R巴士站...

（沒錯就係今次我們中的伏，呵呵）

因為會有的士經過既機會係近乎零，所以係有米的都要直call的士。